O día 6 de abril comeza a XVIII edición do curso gratuíto de Creación de Empresas na delegación da Coruña da Fundación MUJERES.
Esta formación vai dirixida a aquelas mulleres emprendedoras que desexen pór en marcha unha idea de negocio, así como a empresarias de recente creación que queiran confirmar e validar a viabilidade da súa empresa.
O curso divídese en 7 sesións presenciais, traballo a través do noso campus online e tutorías individuais para asesorar a cada proxecto de forma personalizada. As sesións presenciais celebraranse nunha aula da Rede CEMIT, iniciativa da Xunta de Galicia coa que a Fundación MUJERES colabora. As sesións presenciais serán os días 6, 13, 20 de abril, 4, 11, 25 de maio e 1 de xuño, en horario de 9 a 14h.
Unha vez finalizado o plan de empresa, a Fundación MUJERES dá apoio na procura de financiamento e na posta en marcha da empresa.
As prazas son limitadas, polo que as mulleres interesadas deben inscribirse canto antes a través do seguinte FORMULARIO DE INSCRICIÓN.
Para solicitar máis información, contactar coa delegación de Fundación Mujeres en A Coruña: 981294097 e asesoriagalicia@fundacionmujeres.net